சிதறா மௌனம்

சிதறாத மௌனம்
இரு நிலைகள்
கடந்த ஒற்றையாய்
எல்லாம் அறிந்தது
சேர்ந்து
பிரிந்து
உருவாகி
அழிந்து
தன்னுள் தானாய்
உருமாறி
உருவகம் பெற
அழிந்து மாற்றம்
பெறும் எல்லாமாய்
சிதறா மௌனம்.

தேடுதல்கள்

சில செயல்கள் ஏன் நடைபெறவில்லை ? வாழ்க்கையின் நிகழ்வுகளில் கேள்விக்கான காரணங்களை தேடுகிறேன் தேடுதல் நிரந்தரமாய் என மனதில்.

என்னுடைய வாழ்க்கை நிகழ்வுகளின் முடிவுகளை முழுக்க முழுக்க எனது சார்பகவே கற்பனை செய்வதால் உண்மைகள் இதுதான் என்று தெரிந்த சில நிகழ்வுகளில் கூட எதார்த்தை ஏற்றுகொள்ள முடியாமல் ஏமாற்றங்களின் பிடியில் நான்.

ஒரு வழிப்பாதையாய் என் வாழ்வு நகருதல்களின் பயண முடிவு என்னவோ வேதனையும் விரக்தியும் தான்.

விரக்தியின் முடிவாய் நான் புலம்பும் சொற்கள் வாழ்வின் ஆதாரம் எது ? எதை நோக்கிய பயணமாய் என் வாழ்க்கை ? நான் பிறந்ததற்கான நோக்கம் என்ன ?

வினாக்கள் என்னமோ நான் முழுமையாய் வாழ்ந்து வாழ்க்கை இறுதிக்கு சென்ற அடையாளங்களாய் வேதனை என்னவோ சமுதாயத்தில் நடந்து கொண்டிருப்பவர்களை பார்த்து நடக்க தெரிந்ததும் நடக்காமல் வேதனையடைந்த கதை தான்.

வெற்றியா தோல்வியா என்பது வாழ்க்கை இல்லை எந்த சுழலிலும் உயிர்ப்புடன் வாழும் தகுதியே வாழ்க்கை புரிதலுக்கு புரிதல்களுடன் கூடிய செயல்களே என நான் அறியும் வரையில் நான் புலம்பியது வாழ்வின் ஆதாரம் எது ?

நான் அடைந்தது என்னவோ வேதனை விரக்தியும் தான்.

(தொடர்வோம்)

தனிமை தவம்

மனிதர்கள் இல்லா
இடம் நோக்கிய
என் பயணம்
பல மனிதர்களின்
எண்ணங்களை
தக்கவைத்த என்மனது
தனி ஆளாய்
பல மனகுரலாய்
எனது பயணம்
அமைதியை தேட
ஓர் எண்ணம்
எனது முயற்சி
எழுகிறேன்
விழுகிறேன்
எழும் நேரம்
திருந்துகிறேன்
மனிதர்கள் நடுவில்
நான்
தனிமை தவமாய்
என் மனது ...

புகைப்பட தொகுப்பு IV

தனிமை

காவல்

தோழமை

எதிர்ப்பு

நிலை நிறுத்தி
கொள்வதில் ஏற்படும்
இடையூறு எதிர்ப்பு .

நட்பு

நல்லது கெட்டது
பகிர்வு இரண்டுக்கு
மட்டும் நட்பு .

வரவேற்கிறோம் நாங்கள்

கடந்த வாரம் எங்க ஊர்ல கிடைச்ச பத்திரிக்கைல ஒரு செய்திங்க ...
அமெரிக்காவுல ஓரிகன் மாகாணத்து ஆண்மகனாம் பேர் என்னவோ தாமஸ் பீட்டி, பொம்பளைய்யா இருந்து ஆம்பளையா மாறி திரும்பவும் பொம்பளைய்யா மாறி குழந்தை பெத்துகிட்டாராம். ஆனாலும் சேதி ஆண்மகன் குழந்தை பெத்துகிட்டார். வரும் காலத்துல ஆண்களும் செயற்கையா கருப்பை வைச்சி புள்ள பெத்துகிலான்னு சொல்றாங்க ...

இயற்கைக்கு மாற இதெல்லாம் என்னங்க ...

நீங்க எழுதுங்க உங்க கருத்த ...

வஞ்சகம்

வெளி ஆதரவாய்
உள் துரோகம்
வஞ்சகம் .

பசி

தொடர் இயக்க
தேவை
உணர்வு பசி .

விதண்டாவாதம்

தவறென தெரிந்தும்
தன் புரிதலை

வலியுறுத்தல் விதண்டாவாதம்

வாதம்

பல புரிதல்கிடையே
தன் புரிதலை
வலியுறுத்தல் வாதம் .

நான் யார் ?

உன் மனபோக்கு
உன் பாதை
நான் யார் ?
சரியாய் உனக்கு
தெரிந்த பாதை
அது ...
சரியா ? தவறா ?
கருத்துகள் கூற
தகுதியில்லை எனக்கு
என் பாதையிலே
எத்தனை எத்தனை
மேடு பள்ளங்கள்
சமன் செய்ய
எத்தனை காலமோ
தெரியவில்லை எனக்கு
இன்னமும் தெரியா
என் பாதையிருக்க
உன் பாதையில்
நான் யார் ?
நீ போ
நான் போகிறேன் ...