Monday, September 29, 2008

வரலாறு

வாழ்பவர்கள் அறிய
வாழ்ந்தவர்களின் குறிப்பேடு
வரலாறு .

Saturday, September 27, 2008

கழுகுகளும் காக்கைகளும்

சிறுபள்ளம்
தேங்கியிருந்த குளத்துநீர்
மீனவர் வலைக்கு
தப்பி வந்த மீன்கள்
வானத்தில் வட்டமிடும்
கழுகளும் காக்கைகளும்
ஓர் கழுகின்
தொடர் முயற்சியில்
அதன் அலகுகளுக்குள்
சிக்கிய மீனின்
உயிர் போராட்டம்
துள்ளலாய்
வலிமைக்கு அடிபணிந்த
மீனின் முயற்சி தோல்வியாய்
வேட்டையாடிய
கழுகின் காலடியில்
மீன்
சுற்றியமர்ந்த கழுகுகள் ஆறு
உணவு தேவை
அருகில் அமர்ந்த காக்கைகள்
ஐந்து
அங்கும் இங்கும் பறந்தமர்ந்த
கழுகின் காலடியில் மீன்
உணவை உற்றுநோக்கும்
பார்வைகளுடன்
சுற்றியமர்ந்த கழுகுகளும்
காக்கைகளும்
உணவு போராட்டம்.





Tuesday, September 23, 2008

ஆண் ,பெண்

தன் பெருக்கம் இல்லா சூழல்
இனப்பெருக்க தேவை
உயிர்களின் மாறுபாடு ஆண் ,பெண் .

Saturday, September 20, 2008

புகைப்பட தொகுப்பு

சிறு ஓய்வும் உழைப்பும்

அந்திவானம்

தனித்திருக்கிறேன்

உணர்ச்சி

நிகழ்வினால் ஏற்படும்
உடல் இயக்க மாறுதல்
உணர்ச்சி .

Wednesday, September 17, 2008

தியானம்

ஒருமை நிகழ்வு
இயற்கையோடு
ஒன்றிணைதல் தியானம் .

Sunday, September 14, 2008

உணர்வு

நிகழ்வினால் ஏற்படும்
மன இயக்க மாறுதல்
உணர்வு .

எனக்கும் எனக்குமான உறவு

நண்பருக்கும் எனக்கும் கடுமையான வாதம் ஓர் குறிப்பிட்ட விசயம் தொடர்பாகவாதத்தின் தொடக்கத்திலிருந்தே என்னுடைய உள்உணர்வு, டேய் நீ வாதம் செய்யவேண்டாம் என எச்சரிக்கை செய்ததையும் மீறி என் நண்பருடைய பேச்சுக்கு எதிர்வாதம் செய்து கொண்டிருந்தேன்.

அவர் பேச.. நான் பேச..

வாதம் முடிவில் எனை அமைதியிழந்த மனதுக்கு சொந்தகாரனாக்கியது.
பக்கத்து வயல்காரர் என்னிடம் நாற்றுகள் பாக்கி உள்ளது. நீ வாங்கி கொள் என்று சொல்ல அந்த சமயம் என் உள்உணர்வு இந்த நாற்று வேண்டாம் என்று சொல்ல..

நானும் வேண்டாம் என மறுத்துவிட

நடந்தது அவர் விட்டிருந்த நெல்நாற்று அந்த பருவத்திற்குரியது கிடையாது.எனக்கு வேறு இடத்தில் நாற்று வாங்கி நட்டு என்வயலில் கதிர்கள் வந்துவிட்டனஅவர் வயல் இன்னமும் பயிராக உள்ளது.
உள்உணர்வின் படி நடந்தேன் தப்பித்தேன்.

இதேபோல் ஒவ்வொரு சமயத்திலும் எனை உள்உணர்வு வழிநடத்தியுள்ளது. என் உள்உணர்வை அலட்சியம் செய்தபொழுது எனக்கு கிடைத்த முடிவுகள் துன்பத்திற்குரியன மதித்து நடந்தபொழுது முடிவுகள் நன்மையாக அமைந்தது.

எனக்கும் உள்உணர்வுக்கும் உள்ள உறவு நட்பு.

எனக்கும் உள்உணர்வுக்கும் உள்ள முரண்பாடு விரோதம்.

எனக்கும் எனக்குமான உறவு என் வாழ்வு.

(தொடர்வோம்)

Thursday, September 11, 2008

வறுமை

வாழ தேவையான வளங்களை
பெறும் தகுதியின்மையின்
வெளிபாடு வறுமை .

Monday, September 08, 2008

மனது



வேகம் என்னுடையது
வேகத்தின் மையம்
உன்னுடையது
நான்
நினைப்பது நடப்பது
எல்லாம் நீ
உனக்குள்ளே
எனை ஏற்றுக்கொள்
உன்னிடம் கேட்கிறேன்
ஏற்று கொண்டேன்
உறுதிமொழி கூடவே
கொஞ்சம் தயக்கம்
கொஞ்சம் நம்பிக்கை
கொஞ்சம் ஆணவம்
திரும்பவும் உன்னிடம்
எனை ஏற்றுக்கொள்ள
இது இயல்பு

நான் உன்னிலிருந்தே ...
உன்னில்தான் ...



சமுதாயம்

இடம் பெயர்வு இல்லா
இயற்கையை அழித்து வாழ்ந்த
குழு அமைப்பு சமுதாயம் .

Friday, September 05, 2008

பித்து (பைத்தியம்)

உடல் இயக்கம் கெடா
மன இயக்கத்தின்
தொடர் முரண்பாடு பித்து .

Wednesday, September 03, 2008

செல்வம்

பண்ட மாற்றுமுறைக்கு
அனுமதி பெற்ற
காகிதங்கள் உலோகங்கள் செல்வம் .

LinkWithin

Related Posts with Thumbnails