Wednesday, March 23, 2011

பெண்களே நடத்திய இறுதி ஊர்வலம்


இ றந்தவ ர்  உட லை   சுற்றி  அ ழும் பெண்களைப் பார்த்துள்ளே  ன்.  
இ றந்தவர்களை    அடக்கம் செய்த பெண்களை    கண்டு மகிழ்வெ ய்தினேன். செய்தி இ து…..

புதுச்சேரி : வீராம்பட்டினத்தில் இறந்தவர் உடலை பெண்களே கொண்டு சென்று அடக்கம் செய்த சம்பவம் பரபரப்பை ஏற்படுத்தி உள்ளது. புதுச்சேரி, அரியாங்குப்பம் அங்காளம்மன் கோவிலில் கடந்த சில நாட்களுக்கு முன் நடந்த திருவிழா கலை நிகழ்ச்சியில் மோதல் ஏற்பட்டது. இதனால், இரு கிராமத்தை சேர்ந்தவர்களும் பயங்கர ஆயுதங்களால் ஒருவரையொருவர் தாக்கிக் கொண்டனர். போலீசார் துப்பாக்கிச் ‹டு நடத்தி கலவரத்தை அடக்கினர். பிரச்னைக்கு காரணமானவர்களை போலீசார் தேடி வரும் நிலையில், வீராம்பட்டினத்தை சேர்ந்த ஆண்களில் பெரும்பாலானவர்கள் தலைமறைவாகி விட்டனர். இந்நிலையில், வீராம்பட்டினம் நாகூரார் தோட்டத்தை சேர்ந்த செங்கேணி அம்மாள்(62) என்பவர் உடல் நிலை சரியில்லாமல் நேற்று காலை இறந்து விட்டார். தாயாரின் உடலை அடக்கம் செய்வதற்கு அவரது மகன் பார்த்தீபன் மட்டுமே வந்திருந்தார். ஆனால், ஊரில் ஆண்கள் யாரும் இல்லாத நிலையில் உடலை அடக்கம் செய்வது எப்படி என்று தெரியாமல் உறவினர்கள் கவலையில் ஆழ்ந்தனர். பின், அப்பகுதியை சேர்ந்த பெண்கள் அனைவரும் ஒன்று கூடி, சுடுகாட்டிற்கு உடலை எடுத்துச் சென்று அடக்கம் செய்ய முடிவு செய்தனர். அதைத் தொடர்ந்து, சம்பிரதாய சடங்குகள் முடிந்த பின், மாலை 5.30 மணியளவில் அலங்கரிக்கப்பட்ட பல்லக்கில் செங்கேணி அம்மாள் உடலை ஏற்றி, வண்டியை பெண்கள் இழுத்துச் சென்றனர். இறுதி ஊர்வலத்தில் ஏராளமான பெண்கள் கலந்து கொண்டு சுடுகாட்டிற்கு உடலை எடுத்துச் சென்று அடக்கம் செய்து விட்டு வந்தனர். சுடுகாட்டிற்கு பெண்கள் செல்லக் கூடாது என்ற சம்பிரதாயம் இருந்த போதும், தவிர்க்க முடியாத காரணத்தால், பெண்கள் அனைவரும் ஒன்று கூடி உடலை அடக்கம் செய்த சம்பவம், புதுச்சேரியில் பெரும் பரபரப்பை ஏற்படுத்தியுள்ளது.

(நன்றி  தினமல ர்)

3 comments:

ஹேமா said...

என்ன சொல்ல என்றே தெரியவில்லை.சந்தர்ப்பங்கள்தான் எதையுமே முடிவெடுக்கவைக்கிறது.
அதற்கு ஒரு சாட்சிதான் இந்த நிகழ்வு !

தவறு said...

ரொம்பவும் ஆச்சரியப்படுத்திய நிகழ்வு இது ஹேமா.

ஹேமா said...

http://www.thiraivideo.com/video/nadanthathu-enna-28-03-2011/

உங்களின் இந்தப் பதிவு காணொளியாக !

LinkWithin

Related Posts with Thumbnails