சிறுபள்ளம்
தேங்கியிருந்த குளத்துநீர்
மீனவர் வலைக்கு
தப்பி வந்த மீன்கள்
வானத்தில் வட்டமிடும்
கழுகளும் காக்கைகளும்
ஓர் கழுகின்
தொடர் முயற்சியில்
அதன் அலகுகளுக்குள்
சிக்கிய மீனின்
உயிர் போராட்டம்
துள்ளலாய்
வலிமைக்கு அடிபணிந்த
மீனின் முயற்சி தோல்வியாய்
வேட்டையாடிய
கழுகின் காலடியில்
மீன்
சுற்றியமர்ந்த கழுகுகள் ஆறு
உணவு தேவை
அருகில் அமர்ந்த காக்கைகள்
ஐந்து
அங்கும் இங்கும் பறந்தமர்ந்த
கழுகின் காலடியில் மீன்
உணவை உற்றுநோக்கும்
பார்வைகளுடன்
சுற்றியமர்ந்த கழுகுகளும்
காக்கைகளும்
உணவு போராட்டம்.
1 comment:
காகங்களுக்கு கழுகுகள் பயப்படுமாமே..உண்மையா?
Post a Comment